Azərbaycan millisinin FIBA Çempionlar Kuboku üçün heyəti bəllidir

Azərbaycanın qadınlardan ibarət 3x3 basketbol millisinin FIBA Çempionlar Kubokunda çıxış edəcək heyəti və oyun cədvəli müəyyənləşib.

Sport1.az xəbər verir ki, ikinci dəfə təşkil olunan turnirdə milli komanda Arika Karter, Aleksandra Mollenhauer, Tatyana Deniskina və Brianna Freyzerin yer aldığı heyətlə mübarizə aparacaq. Yığma yarışda ilk dəfə iştirak edəcək.

B qrupunda yer alan Azərbaycan millisi ilk oyunlarını martın 13-də keçirəcək. Komanda həmin gün Kanada qadınlardan ibarət 3x3 basketbol millisi və Tayland qadınlardan ibarət 3x3 basketbol millisi ilə qarşılaşacaq. Görüşlər müvafiq olaraq saat 13:20 və 16:05-də başlayacaq.

Millinin qrup mərhələsində son oyunu isə martın 14-də İspaniya qadınlardan ibarət 3x3 basketbol millisinə qarşı olacaq. Qarşılaşmanın start fiti saat 12:30-da səslənəcək.

Qeyd edək ki, turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028 Yay Olimpiya Oyunlarına vəsiqə verən Olimpiya təsnifat turnirində iştirak hüququ qazanacaq.