DÇ-2026 pley-off oyunu təhlükə altında: İraq millisindən təxirə salınma tələbi
İraq milli futbol komandasının baş məşqçisi Qrem Arnold FIFA-ya müraciət edərək DÇ-2026-nın martın sonunda keçirilməsi planlaşdırılan pley-off matçının təxirə salınmasını istəyib.
Sport1.az xəbər verir ki, mütəxəssis bu təklifi regionda yaranmış təhlükəsizlik riski ilə əsaslandırıb. Belə ki, fevralın 28-də ABŞ və İsrailin İrana endirdiyi hava zərbələrindən sonra Tehranın raket və dronlarla cavab verməsi səbəbindən İraqın hava məkanı bağlanıb.
Bu səbəbdən Arnold BƏƏ-də qalıb, ölkədə olan futbolçular və texniki heyətin isə Monterreyə (Meksika) uçması çətinləşib. İraq yığması martın 31-də Boliviya milli komandası – Surinam milli komandası cütünün qalibi ilə həlledici oyuna çıxmalıdır.
Arnold bildirib ki, ölkə tarixinin son 40 ildəki ən vacib matçına ən yaxşı heyətlə hazırlaşmaq istəyirlər və oyunun təxirə salınması komandaya hazırlıq üçün vaxt qazandırar.
Qeyd edək ki, 2026 FIFA Dünya Çempionatının 11 iyun – 19 iyul tarixlərində ABŞ, Kanada və Meksikadə keçirilməsi planlaşdırılır.
