Almaniyanın məşhur nəşri Mahir Emrelidən yazdı

"Kicker" nəşri "Kauzerslautern”in üzvləri Mergim Berişa və Mahir Emreli haqda məqalə hazırlayıb.

Sport1.az xəbər verir ki, həmkarlarımız məşqçilər korpusunun hər iki futbolçuya ümid bəslədiyini qeyd ediblər:

"Onların "Bohum"la oyun üçün heyətə daxil ediləcəyi gözlənilir, baxmayaraq ki, adlarının iştirak ərizəsinə salınması hələ qəti təsdiqlənməyib. Berişa qısa çıxışlarında istedadının müəyyən işartılarını göstərib. Xüsusilə Emrelidən isə nəhayət, bütün potensialını ortaya qoyması gözlənilir.

Baş məşqçi Torsten Liberknechtin sözlərinə görə, hazırda ən vacib məsələ hər iki futbolçunun formada qalması və öz oyun ritmini tapmasıdır”.

Qeyd edək ki, "Kauzerslautern" II Bundesliqada martın 8-də "Bohum"la görüşəcək.