I Liqa klubu etiraz edir: "Bravo", Kamranbəy!" – VİDEO

I Liqanın 17-ci turunda keçirilən MOİK – “Difai” oyunundan sonra hakim qərarı ilə bağlı narazılıq yaranıb.

Sport1.az xəbər verir ki, Ağsu təmsilçisi qarşılaşmada baş verən epizodla bağlı sosial şəbəkə hesabında paylaşım edib. Klub bu gün keçirilən matçda bir neçə mübahisəli qərarın olduğunu bildirib:

“06.03.2026 tarixində keçirilən oyunda nəticəyə təsir edən bir neçə mübahisəli epizod yaşandı. Xüsusilə futbolçumuz Musa Musazadənin açıq şəkildə dartıldığı epizodda qaydalara uyğun olaraq sarı vərəqə göstərilməli idi. Lakin hakim əksinə, MOİK futbolçusuna heç bir xəbərdarlıq etmədən onunla əl verib “5 ver” deyərək oyunu davam etdirdi. Bu kimi qərarlar meydanda ədalət prinsiplərinin qorunmadığı təəssüratı yaradır. Bu gün baş verənlərə baxanda belə görünürdü ki, hakim meydanda MOİK-in 12-ci oyunçusu idi. “Bravo”, Kamranbəy”.

Qeyd edək ki, I Liqanın 17-ci turu çərçivəsində keçirilən qarşılaşmada MOİK “Difai”ni 2:1 hesabı ilə məğlub edib.