"Qarabağ adı məni də böyütdü" - Qurban Qurbanov

"Qarabağ"ın baş məşqçisi Qurban Qurbanov Məşqçilərin I Formunda iştirak edib.

Sport1.az xəbər verir ki, mütəxəssis başqa klubda işləsəydi, bəlkə də daha çox məsuliyyətli olmayacağını bildirib:

"İşimizin böyük hissəsi legionerlərlə bağlıdır. Onları elə hazırlamalıyıq ki, hansı ölkədə və komandada olduqlarını bilməlidirlər. Qarabağ bizim yaralı yerimiz idi. Amma öz doğma torpaqlarımızı geri qaytardıq. Başqa klublarda işləyə bilərdim. Amma bəlkə də bu məsuliyyət daha çox olmazdı. Qarabağ adı məni də böyütdü. Hər bir legionerə bu ad haqqında məlumatlar verirdik. Onlara Azərbaycanın qayda-qanunlarına hörmətlə yanaşmalı olduqlarını da söyləyirik".