PSJ prezidenti Vitinyanın “Real”a transferinə mane olur

PSJ yarımmüdafiəçisi Vitinyanın gələcəyi ilə bağlı qərar verib.

Sport1.az xarici mətbuata istinadən xəbər verir ki, Paris təmsilçisi portuqaliyalı futbolçunu “Real”a satmağı planlaşdırmır. Madrid klubunun mümkün təkliflərindən asılı olmayaraq, transferin baş tutma ehtimalı olduqca aşağıdır.

PSJ prezidenti Nasser Əl-Xelaifi komandanın əsas oyunçularından birinin “Real”a keçməsini həm idman, həm də simvolik baxımdan geriyə addım hesab edir. Klub rəhbərliyi daha əvvəl Kilian Mbappenin Madridə transferindən sonra oxşar ssenarinin təkrarlanmasını istəmir.

Qeyd edək ki, cari mövsümdə Vitinya PSJ-nin heyətində 36 oyuna çıxıb, 6 qol vurub və 10 məhsuldar ötürmə edib. Onun Paris klubu ilə müqaviləsi 2029-cu ilə qədər qüvvədədir.