“Nyukasl” – “Qarabağ” matçı buna görə ilk dördlükdə

UEFA Çempionlar Liqasının pley-off mərhələsinin cavab oyununda keçirilən “Nyukasl” – “Qarabağ” qarşılaşması tribunaların doluluğu ilə seçilib.

Sport1.az xəbər verir ki, İngiltərənin “Sent Ceyms Park” stadionunda baş tutan görüşü 50 068 azarkeş canlı izləyib. Bu göstərici cavab matçları arasında dördüncü ən yüksək nəticə kimi qeydə alınıb.

Siyahıya 76 745 tamaşaçı ilə “Real” – “Benfika” oyunu başçılıq edir. “İnter” – “Bodo Qlimt” qarşılaşması 70 441 azarkeşlə ikinci, “Atletiko” – “Brügge” dueli isə 66 756 tamaşaçı ilə üçüncü pillədə qərarlaşıb.

Qeyd edək ki, “Qarabağ” səfərdə keçirilən matçda rəqibinə 2:3 hesabı ilə məğlub olub.