“Bekhem mənim üçün bir tanrı kimidir”

“Arsenal”ın yarımmüdafiəçisi Deklan Rays ötən mövsüm UEFA Çempionlar Liqasında “Real”a qarşı yaddaqalan çıxışından sonra Devid Bekhemdən mesaj aldığını açıqlayıb.

Sport1.az xarici mətbuata istinadən xəbər verir ki, London təmsilçisinin futbolçusu “Emireyts” stadionunda keçirilən görüşdə iki cərimə zərbəsi qolu vuraraq komandasının 3:0 hesablı qələbəsində əsas pay sahibi olmuşdu. Həmin nəticə “topçular” üçün mərhələ baxımından həlledici olmuşdu.

Rays bildirib ki, oyundan sonra İngiltərə futbolunun əfsanələrindən biri olan Devid Bekhem onunla sosial şəbəkə vasitəsilə əlaqə saxlayıb:

“Bekhem mənə “Instagram”da yazdı. Bu, inanılmaz idi. O, cərimə zərbələri üzrə tarixin ən böyük ustalarından biridir. Belə bir oyunçudan mesaj almaq xüsusi hissdir”.

Yarımmüdafiəçi əlavə edib ki, standart vəziyyətlər zamanı əsasən instinktinə güvənir:

“Topun arxasına keçəndə hər şey hissiyyatla bağlıdır. Zərbənin istiqamətini və sürətini düzgün seçməlisən. Bu, bizim güclü tərəfimizdir və komandaya kömək edir”.