Mbappe "Benfika"ya qarşı oynamayacaq

UEFA Çempionlar Liqasının pley-off mərhələsinin cavab oyununda “Real” doğma azarkeşlər önündə “Benfika” ilə üz-üzə gələcək.

Sport1.az xəbər verir ki, Madrid təmsilçisi həlledici qarşılaşmaya ciddi itki ilə çıxacaq. Komandanın əsas hücumçusu Kilian Mbappe zədə səbəbindən matçı buraxacaq. Fransalı futbolçunun dizində problem aşkarlanıb və o, iştirak ərizəsinə daxil edilməyib.

Mbappe cari mövsümdə “kral klubu”nun heyətində 33 rəsmi oyunda 38 qol vurub, 6 məhsuldar ötürmə edib.

Qeyd edək ki, “Real” – “Benfika” görüşü bu gecə Bakı vaxtı ilə saat 00:00-da başlayacaq. Tərəflər arasında ilk oyun Madrid təmsilçisinin 1:0 hesablı qələbəsi ilə başa çatmışdı.