Mahir qayıdır

Almaniya II Bundesliqasında çıxış edən “Kayzerslautern” bu gün növbəti oyununa çıxacaq.

Sport1.az xəbər verir ki, Azərbaycan millisinin hücumçusu Mahir Emreli uzun fasilədən sonra komandanın oyun ərizəsinə daxil edilib. 28 yaşlı futbolçu “Proyssen Münster”lə keçiriləcək qarşılaşmaya ehtiyat oyunçular skamyasından başlayacaq.

Emreli ötən ilin noyabrında aldığı zədədən sonra yaşıl meydanlardan uzaq qalmışdı. O, son olaraq 2025-ci il noyabrın 8-də “Herta”ya qarşı matçda forma geyinmişdi.

Qeyd edək ki, II Bundesliqanın 23-cü turu çərçivəsində keçiriləcək “Proyssen Münster” – “Kayzerslautern” görüşü Bakı vaxtı ilə saat 16:30-da start götürəcək. Bu mövsüm Almaniya təmsilçisinin heyətində 5 oyuna çıxan Mahir 1 qol vurub.