“Qarabağ”ın cavab görüşü məşhur hakimə tapşırıldı

UEFA Çempionlar Liqasının pley-off mərhələsinin cavab görüşündə keçiriləcək “Nyukasl” – “Qarabağ” oyununun hakimləri müəyyənləşib.

Sport1.az xəbər verir ki, qarşılaşmanı italiyalı referi Davide Massa idarə edəcək. 44 yaşlı hakimə yan xətdə Filippo Meli və Stefano Alassio yardımçı olacaq.

Dördüncü hakim funksiyasını Luka Paireto yerinə yetirəcək. VAR sistemində Daniele Kiffi, onun köməkçisi qismində isə Kristian Dingert çalışacaq.

Qeyd edək ki, fevralın 24-dən 25-nə keçən gecə keçiriləcək matç saat 00:00-da başlayacaq. İlk oyunda İngiltərə təmsilçisi Bakıda 6:1 hesablı qələbə qazanmışdı.