Keyndən son 6 oyunda 9 qol

Almaniya Bundesliqasında bombardirlik yarışında lider olan Harri Keyn növbəti dəfə fərqlənib.

Sport1.az xəbər verir ki, “Bavariya”nın hücumçusu 23-cü tur çərçivəsində “Ayntraxt”la görüşdə iki qol vuraraq komandasının 3:2 hesablı qələbəsinə töhfə verib.

Beləliklə, ingiltərəli forvard son altı matçda doqquzuncu qolunu vurub. O, daha əvvəl “Hoffenhaym” və “Verder”lə qarşılaşmalarda da dubla imza atmış, PSV, “Hamburq” və “Leyptsiq”lə oyunlarda isə hərəsində bir dəfə fərqlənmişdi.

Qeyd edək ki, cari mövsümdə 36 oyuna çıxan Keyn bütün turnirlərdə 43 qol vurub və 5 məhsuldar ötürmə edib. O, həmçinin DÇ-2026-nın seçmə mərhələsində İngiltərə millisinin heyətində 8 qol müəllifi olub.