UEFA araşdırma aparır, Prestianni danışdı
“Benfika”nın hücumçusu Canluka Prestianni “Real”ın futbolçusu Vinisius Juniorla bağlı insidentə görə UEFA-ya ifadə verib.
Sport1.az xəbər verir ki, bu barədə ESPN məlumat yayıb. Hadisə Çempionlar Liqasının pley-off mərhələsinin ilk oyununda baş verib. Həmin görüşdə Madrid təmsilçisi səfərdə 1:0 hesablı qələbə qazanıb.
20 yaşlı argentinalı futbolçu Vinisiusu irqi zəmində təhqir etmədiyini bildirib. Onun sözlərinə görə, səsləndirdiyi ifadə ispan dilində “meymun” sözünə bənzəsə də, başqa məna daşıyıb.
Xatırladaq ki, qarşılaşmanın ikinci hissəsində Vinisius rəqib oyunçunun onu “meymun” adlandırdığını iddia etdikdən sonra matç qısa müddətə dayandırılmışdı. Həmin anda Prestianni ağzını forması ilə örtmüşdü.
UEFA insidentin araşdırılması üçün xüsusi etik və intizam müfəttişi təyin edib.
