Bu şüar “Qarabağ”a baha başa gəldi – UEFA-dan CƏZA

UEFA “Qarabağ”ı cərimələyib.

Sport1.az xəbər verir ki, qərar Çempionlar Liqasının liqa mərhələsinin 7-ci turunda Bakıda Almaniyanın “Ayntraxt” klubuna qarşı keçirilmiş görüşlə bağlı qəbul edilib.

UEFA-nın İntizam Komitəsi Ağdam təmsilçisini “idman tədbirinə uyğun olmayan mesajın nümayişi” və “futbolun, o cümlədən UEFA-nın nüfuzuna xələl gətirən davranış” səbəbilə 17 500 avro məbləğində cərimə edib. Rəsmi sənəddə konkret mesajın məzmunu açıqlanmayıb.

Redaksiyamıza daxil olan məlumata görə, sanksiyaya səbəb tribunalarda səsləndirilən “UEFA – mafiya” şüarı olub.

Bununla yanaşı, klubun bilet nəzarəti ilə bağlı qaydalara tam əməl etmədiyi də qeyd olunub.