PSJ və Mbappe arasındakı qalmaqalda yeni irəliləyiş

PSJ sabiq futbolçusu, hazırda "Real"ın formasını geyinən Kilian Mbappeyə məhkəmə qərarı ilə ödənilməli olan 6 milyon avronun bir hissəsini ödəyib.

Sport1.az xəbər verir ki, bu haqda "L`Equipe" məlumat yayıb.

Paris təmsilçisi 27 yaşlı hücumçuya 4 milyon avro ödəyib. Daha əvvəl PSJ-yə məhkəmə icraçıları baş çəkmişdi. Bundan sonra klub rəhbərliyi Mbappenin hesabına pul köçürüb.

Xatırladaq ki, daha əvvəl əmək məhkəməsi PSJ- nin keçmiş oyunçusuna maaş və bonus borcları da daxil olmaqla 60,9 milyon avro ödəməsini tələb etmişdi. PSJ isə artıq əsas ödənişi daha əvvəl edib.

Lakin münaqişə bununla bitməyib. Mbappe klubdan əlavə məbləğ də istəyib. PSJ iddia edir ki, Fransa millisinin oyunçusuna tam ödəniş edib və məbləğdəki fərqi onun maaşından sosial ödənişlərlə izah edib. Lakin oyunçunun tərəfi bununla razı olmayıb.

Xatırladaq ki, PSJ ilə Mbappe arasında münaqişə futbolçunun 2024-cü ilin yayında azad agent kimi "Real"a keçməsindən sonra alovlanmışdı.