Kamilo Duran "Nyukasl"la oyundan ümidlidir: "Çalışacağıq ki..." - AÇIQLAMA
“Qarabağ” Bizon Azərbaycan Kubokunun 1/4 final mərhələsinin ilk oyununda səfərdə “Şamaxı”ya 1:2 hesabı ilə məğlub oldu.
Qarşılaşmadan sonra Ağdam təmsilçisinin aparıcı üzvü olan Kamilo Duran Sport1.az-a açıqlama verdi.
Kolumbiyalı hücumçu oyunun asan keçmədiyini vurğuladı:
“Təbiət hadisələri səbəbindən çətin şəraitdə oynadıq. Davam etməliyik, məşqlərə köklənməliyik. Ümid edirəm ki, növbəti matçda daha yaxşı nəticə qazanarıq”.
"Köhlən atlar"ın əsas qol silahı Çempionlar Liqasının pley-off mərhələsində “Nyukasl”a qarşı keçiriləcək oyun barədə də danışdı. O, bu qarşılaşmanın çətin olacağını bildirdi:
“Liqa mərhələsinin son turunda “Liverpul”la oynamışdıq. Həmin oyun kimi bu matç da çətin olacaq. Çalışacağıq ki, yaxşı oyun göstərək və uğurlu olaq”.
NİHAT KƏRİMLİ
