"Hər şey üst-üstə düşür" - Ayxan Abbasov

Misli Premyer Liqasının 29-cu turunda "Şamaxı" "Neftçi"yə məğlub oldu - 0:2.

Sport1.az xəbər verir ki, oyundan sonra meyda sahiblərinin çalışdırıcısı Ayxan Abbasov mətbuat konfransında iştirak etdi.

Mütəxəssis matç haqda fikirlərini bildirdikdən sonra jurnalistlərin sualllarını cavablandırdı:

"Evdə qalib gəlmək istəyirdik. Təəssüf ki, alılnmadı. İlk yarıda pis oynamadıq, qol imkanlarından istifadə edə bilmədik. Hər şey üst-üstə düşür, zədəlilər çoxalır. Bilirdik ki, ehtiyat qüvvəmiz az olduğu üçün çətinliklər olacaq. Bunlar normaldır, mövsüm ərzində olur. Sevindirci haldır ki, bu gün gənc oyunçu Elmar Məmmədov debüt etdi. Qarşıdakı günlərdə toparlanacağıq. İnanıram ki, hədəfimizə çatacağıq".

- Yeni hücumçu transfer edəcəyiniz gözlənilirdi. Bu məsələ nə yerdə qaldı?
- Həm sənəd problemi var idi, həm də hazır deyildi. Vaxtımız az olduğu üçün onunla müqavilə imzalamadıq.

- "Kəpəz"lə 1, "Səbail"lə 8 xal fərqi var aranızda. Çempionatın sonu sizin üçün gərgin keçə bilər?
- Bəli, gərgin keçəcək. 3 xallıq sistemdə 8 xal elə də böyük fərq deyil. Mövsümün əvvəlində də xal fərqi tez-tez dəyişirdi. Sona qədər mübarizə aparacağıq.