“Portu”nun baş məşqçisi “Çelsi” söz-söhbətlərinə aydınlıq gətirdi
“Portu”nun baş məşqçisi Françesko Farioli London “Çelsi”si ilə bağlı yayılan xəbərlərə münasibət bildirib.
Sport1.az xəbər verir ki, italiyalı mütəxəssis adı İngiltərə klubu ilə hallansa da, hazırkı komandasında qalacağını qəti şəkildə vurğulayıb:
“Mən “Portu”da qalıram, bu dəqiqdir. Bununla bağlı heç bir şübhə yoxdur və heç vaxt da olmayıb. Prosesi yarımçıq qoyub getmək mənim üçün heç vaxt müzakirə mövzusu olmayıb. Mən kluba tam sadiqəm”.
Qeyd edək ki, Françesko Farioli 2025-ci ilin yayında “Portu”nun baş məşqçisi təyin olunub. 36 yaşlı çalışdırıcının Portuqaliya klubu ilə müqaviləsi 2027-ci il iyunun 30-dək qüvvədədir.
Hazırda Portuqaliya çempionatında 16 turdan sonra 46 xal toplayan “Portu” turnir cədvəlinə başçılıq edir və ən yaxın izləyicisi Lissabon “Sportinq”ini 4 xal qabaqlayır.
