Federasiya "Traxtor"u cəzalandırdı

İran Futbol Federasiyası "Traxtor"u cəzalandırıb.

Sport1.az xəbər verir ki, Təbriz təmsilçisi bu mövsüm ölkə kubokunda həm ev, həm də səfər oyunlarını azarkeşsiz keçirəcək. Bununla yanaşı, klub 3 milyard tümən (100 min manat) məbləğində cərimələnib. 12 nəfər lider azarkeşə isə 6 ay müddətinə stadiona giriş qadağası tətbiq olunub. Gələn mövsüm ölkə kubokunda “Persepolis”ə qarşı keçiriləcək oyunda da azarkeşlərin stadiona buraxılmayacağı bildirilib.

Qeyd edək ki, bu qərar Təbrizin Səhənd stadionunda “Traxtor”la Tehran təmsilçisi “Persepolis” arasında keçirilən kubok qarşılaşmasından sonra qəbul edilib. Sözügedən matçda əsas və əlavə vaxt heç-heçə ilə başa çatıb. Penaltilər seriyasında isə Təbriz təmsilçisi “Persepolis”i 9:8 hesabı ilə məğlub edərək növbəti mərhələyə yüksəlib.