“Milan” alman futbolçu üçün ingilislərlə razılığa gəldi

“Milan” Almaniya millisinin hücumçusu Niklas Füllkruqu heyətinə qatmağa yaxındır.

Sport1.az xəbər verir ki, “La Gazzetta dello Sport” nəşrinin məlumatına görə, İtaliya təmsilçisi “Vest Hem”lə futbolçunun icarə əsasında, sonradan satınalma hüququ ilə transferi barədə razılıq əldə edib.

Mənbənin yazdığına görə, Füllkruq bu həftə “Milan”da tibbi müayinədən keçəcək. Alman forvard maaşında cüzi endirimə razılıq verib və “Vest Hem”ə qayıtmaq istəmir. Hücumçunun Milana bu axşam və ya sabah səhər gələcəyi gözlənilir.

Qeyd edək ki, cari mövsümdə Füllkruq bütün turnirlər üzrə 9 oyunda iştirak edib. O, bu matçlarda məhsuldar göstərici ilə yadda qalmayıb və meydanda ümumilikdə 413 dəqiqə keçirib.