FİFA DÇ-2026-nın qalibinə rekord məbləğ ödəyəcək
2026-cı ildə ABŞ, Kanada və Meksikada keçiriləcək Dünya Çempionatının qalibi rekord məbləğdə mükafat alacaq.
Sport1.az xəbər verir ki, ESPN-in yaydığı məlumata əsasən, FİFA mundialın qalibi olan milliyə 50 milyon dollar ödəyəcək. Bu, Dünya Çempionatları tarixində indiyədək verilən ən yüksək mükafat olacaq.
Mənbənin məlumatına görə, turnir üzrə ümumi mükafat fondu 655 milyon dollar təşkil edəcək. Qrup mərhələsində mübarizəni dayandıran yığmalar minimum 9 milyon dollar qazanacaq. Finala qədər irəliləyən komandalar isə 33 milyon dollara qədər gəlir əldə edəcək.
Xatırladaq ki, 2022-ci ildə Qətərdə keçirilən Dünya Çempionatının qalibi olan Argentina millisi 42 milyon dollar mükafat almışdı. 2018-ci ildə Rusiyada keçirilən mundialda çempionluq qazanan Fransa yığmasına isə 38 milyon dollar ödənilmişdi.
