“Benfika” “Qarabağ”a uduzanda…” - Mourinyodan açıqlama

Joze Mourinyo "A Bola" nəşrinə müsahibə verib.

Sport1.az xəbər verir ki, mütəxəssis "Benfika"ya baş məşqçi təyin olunmasından danışıb:

“Dörd-altı il əvvəl mənimlə "Benfika" əlaqə saxlamışdı, amma onda işim vardı deyə heç nə alınmadı. Bu yay isə ümumiyyətlə, klubla heç bir təmasım olmamışdı. Heç kimlə. “Fənərbağça” ilə müqaviləm var idi və onu sona qədər yerinə yetirmək fikrindəydim. Portuqaliyaya klub məşqçisi kimi qayıtmaq barədə heç düşünmürdüm. Həmişə hesab edirdim ki, Roberto Martínez 2026-cı il Dünya Çempionatını qazana bilər, sonra da şərəflə ayrılmaq istəyəcək və həmin vaxt mən gələcəyəm”.

Mourinyo bu təyinatının “Benfika”nın Çempionlar Liqasında “Qarabağ”a məğlubiyyətdən (2:3) sonra baş tutmasına da toxunub:

“Benfika”a "Qarabağ’a oyunu uduzduğu gün mən xanımımla birlikdə Barselonada idim. Ertəsi gün birbaşa prezidentin özü zəng edərək dedi: “Cənab, danışa bilərikmi? Mən “Benfika”da işləyə biləcək bir baş məşqçi görmək istərdim”. Cavab verdim ki, günün sonunda Portuqaliyaya gələcəyəm və danışarıq. Bütün hekayə bundan ibarətdir”.