Digər
16:44
21.09.2025
101
Formula 1 Azərbaycan Qran-Prisinin qalibi bəlli oldu
Bu gün Formula 1 Azərbaycan Qran-Prisinin qalibi müəyyənləşəcək.
Sport1.az xəbər verir ki, Azərbaycan mərhələsinin sonuncu günündə əvvəlcə Formula 2 üzrə yarışın qalibi bəlli olub.
"Dams Lukas Oil" komandasının ABŞ-dən olan pilotu Cek Krouford bütün rəqiblərini qabaqlayıb.
"AIX Racing"dən Yoşua Dürksen ikinci, "Hitex TGR"dən Dino Beqanoviç üçüncü olub.
Artıq saat 15:00-da Formula 1 üzrə əsas yarış da start götürüb.
Ötən gün sıralanma mərhələsinin yekunlarına əsasən, ən yaxşı nəticəyə imza atan “Red Bull”un sürücüsü Maks Ferstappen bu gün də qələbə qazanıb. Niderlandlı sürücü 2022-ci ildə də Azərbaycan Qran-prisində treki birinci pillədə başa vurub.
"Mercedes"dən Corc Rassell ikinci, "Uilyams"dan Karlos Sayns üçüncü yeri tutub.
20 döngə, 51 dövrədən ibarət olan Bakı treki ümumilikdə 306,049 km məsafəni əhatə edir.
Qeyd edək ki, Azərbaycan 2016-cı ildən dünyanın ən nüfuzlu avtoidman yarışına ev sahibliyi edir. Ölkəmizdə təşkil olunan ilk Formula 1 yarışı Avropa Qran-Prisi adlandırılıb. Həmin yarışda almaniyalı Niko Rosberq birinci olub. Növbəti illərdə müvafiq olaraq Daniel Rikkardo (Avstraliya), Luis Hemilton (Böyük Britaniya), Valtteri Bottas (Finlandiya), Serxio Peres (Meksika), Maks Ferstappen (Niderland) və Oskar Piastri (Avstraliya) bütün rəqiblərini qabaqlayaraq podiumun ən yüksək pilləsinə qalxıblar. Yalnız 2020-ci ildə Azərbaycan Qran-Prisi koronavirus pandemiyası səbəbindən keçirilməyib.
Sport1.az xəbər verir ki, Azərbaycan mərhələsinin sonuncu günündə əvvəlcə Formula 2 üzrə yarışın qalibi bəlli olub.
"Dams Lukas Oil" komandasının ABŞ-dən olan pilotu Cek Krouford bütün rəqiblərini qabaqlayıb.
"AIX Racing"dən Yoşua Dürksen ikinci, "Hitex TGR"dən Dino Beqanoviç üçüncü olub.
Artıq saat 15:00-da Formula 1 üzrə əsas yarış da start götürüb.
Ötən gün sıralanma mərhələsinin yekunlarına əsasən, ən yaxşı nəticəyə imza atan “Red Bull”un sürücüsü Maks Ferstappen bu gün də qələbə qazanıb. Niderlandlı sürücü 2022-ci ildə də Azərbaycan Qran-prisində treki birinci pillədə başa vurub.
"Mercedes"dən Corc Rassell ikinci, "Uilyams"dan Karlos Sayns üçüncü yeri tutub.
20 döngə, 51 dövrədən ibarət olan Bakı treki ümumilikdə 306,049 km məsafəni əhatə edir.
Qeyd edək ki, Azərbaycan 2016-cı ildən dünyanın ən nüfuzlu avtoidman yarışına ev sahibliyi edir. Ölkəmizdə təşkil olunan ilk Formula 1 yarışı Avropa Qran-Prisi adlandırılıb. Həmin yarışda almaniyalı Niko Rosberq birinci olub. Növbəti illərdə müvafiq olaraq Daniel Rikkardo (Avstraliya), Luis Hemilton (Böyük Britaniya), Valtteri Bottas (Finlandiya), Serxio Peres (Meksika), Maks Ferstappen (Niderland) və Oskar Piastri (Avstraliya) bütün rəqiblərini qabaqlayaraq podiumun ən yüksək pilləsinə qalxıblar. Yalnız 2020-ci ildə Azərbaycan Qran-Prisi koronavirus pandemiyası səbəbindən keçirilməyib.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.