Vacib oyunçu "Qarabağ"dan ayrılır? - ŞOK İDDİA

“Qarabağ” klubunun Çempionlar Liqasındakı möhtəşəm qələbəsi – Portuqaliyada “Benfika” üzərində 3:2 hesablı dönüş – təkcə Azərbaycanda deyil, beynəlxalq futbol ictimaiyyətində də geniş rezonans doğurub.

Sport1.az xəbər verir ki, bu uğur Monteneqro mətbuatında da əks-səda doğurub. Xüsusilə də həmin oyunda parlaq çıxışı ilə seçilən yarımmüdafiəçi Marko Yankoviç yerli jurnalistlərin diqqət mərkəzində olub.

Monteneqro mediası Yankoviçin meydana nəzarəti, komandanın ritmini qurması və liderlik xüsusiyyətlərini ön plana çəkərək, onun milli komandada da eyni təsiri göstərə biləcəyini yazır.

Həmin qarşılaşmanın ikinci hissəsində zədələnərək oyunu tərk etməsinə baxmayaraq, 30 yaşlı futbolçunun performansı yerli futbol ictimaiyyəti tərəfindən yüksək qiymətləndirilib.

Monteneqro jurnalistləri hesab edir ki, Yankoviçin “Qarabağ”dakı bu səviyyədə çıxışları onu yaxın zamanda Avropanın daha iddialı və reytinqli klublarına apara bilər:

“Yankoviç meydanda əsl dirijor kimi hərəkət edir, komanda yoldaşlarını düzgün istiqamətə yönləndirir. Belə futbolçulara yığmada böyük ehtiyac var. Onun lider xarakteri və oyun intellekti böyük liqalarda da öz sözünü deməyə imkan verir. Belə oynammağa davam edərsə, transferi sadəcə zaman məsələsidir”.

Qeyd edək ki, Marko Yankoviç 2022-ci ildən Ağdam klubunun formasını geyinir və komandada əsas oyun qurucularından biri sayılır.