"Hesabı bərabərləşdirə bilərdik" - "Şelburn"un baş məşqçisi

"Şelburn"un baş məşqçisi Con Obrayan Çempionlar Liqasının 2-ci təsnifat mərhələsinin cavab oyunlarında keçirilən "Qarabağ"la matçı (0:3) şərh edib.

O, görüşdən sonra keçirilən mətbuat konfransında jurnalistlərin suallarını cavablandırıb:

- İlk oyunda 0:3 uduzsanız da, bu gün daha az risk edirdiniz, 5 müdafiəçi ilə oynayırdınız. Daha ağır hesabla uduzmaq istəmirdiniz?

- Birinci oyunu da bu cür oynamışdıq. Onda da müdafiəçilərimiz çox idi. Böyük stadion idi, ağır atmosferdə oynayırdıq. İlk hissədə 0:0 olmasını istəyirdik ki, ikinci hissədə dəyişikliklər edək.

- Növbəti mərhələdə hansı rəqiblə oynamaq istəyərdiniz: FCSB, yoxsa "Şkendiya"?

- Buna qədər onu fikirləşmirdik. Bu oyuna fokuslanmışdıq. Hər ikisi güclüdür.

- "Qarabağ"ın Çempionlar Liqasının liqa mərhələsinə düşmək potensialını görürsünüz?

- "Qarabağ"ın elə təcrübəsi var. İllərdir ki, avrokuboklarda oynayırlar. Yaxşı oyunçuları var. Getdikcə oyunlar daha da çətinləşəcək.

- Məğlubiyyətinizin səbəbini nədə görürsünüz? Siz yaxşı oynamadınız, yoxsa "Qarabağ" güclü idi?

- Dublində ikinci hissədə qol şanslarımız var idi. Səhvlər edərək, qollar buraxdıq. Bugünkü oyuna da yaxşı hazırlaşmışdıq. Təəssüf ki, birinci hissənin sonunda buraxdığımız qol oldu. Hesabı bərabərləşdirə bilərdik, amma alınmadı.

- Sizcə, "Qarabağ"a qarşı doğru taktika seçmişdiniz?

- Çox səhv etmirəm. 1:0-dan sonra imkanlarımız var idi. "Qarabağ" kimi komandalara qarşı çox da taktiki dəyişiklik etməyə ehtiyac yoxdur.