"Arsenal" Çempionlar Liqasının qalibi olmağa layiqdir - YAZI

PSJ və "Bavariya" bu mövsüm əla oyun nümayiş etdirirlər. Çoxları bu komandaların oyunundan zövq alır. Bəziləri düşünür ki, Çempionlar Liqasının qalibi bu iki kollektivdən biri olacaq.

​Amma "Arsenal"ın ağıllı futbolunu da diqqətdən kənarda qoymaq olmaz. Mikel Artetanın komandası bu mövsüm Çempionlar Liqasında məğlub olmayıb (11 qələbə, 3 heç-heçə). Onlar liqa mərhələsinin bütün görüşlərində qələbə qazanıblar. Bütün statistik göstəricilər "Arsenal"ın çempionluğa əsas namizəd olduğunu deyir.

Maraqlıdır ki, "topçular" rəqibə uyğun oyun sərgiləyir; lazım gələndə hücum, lazım gələndə isə müdafiə futbolu oynayırlar. Bu, Artetanın illərdir topladığı təcrübənin bəhrəsidir.

​Ümid edirəm ki, rəqibin kimliyindən asılı olmayaraq, London təmsilçisi finalda qələbə qazanacaq. Bu komanda klub tarixində ilk dəfə Çempionlar Liqasında qalib olmağa layiqdir.

İLKİN SULTANLI