"Fənərbağça"nın zədəli futbolçusu "Qalatasaray"la oyunda özünü göstərmək istəyir

"Fənərbağça"nın zədəli futbolçusu Marko Asensio yaşıl meydanlara geri qayıdır.

Sport1.az xəbər verir ki, müalicəsi uğurla başa çatan ispaniyalı futbolçu cümə günü komanda ilə məşqlərə başlayacaq.

"Beşiktaş"la keçirilən derbi matçında zədələnən 30 yaşlı yarımmüdafiəçi bu səbəbdən "Kayserispor" və "Rizespor"la oyunları buraxıb. O, həmçinin bu axşam kubok çərçivəsində baş tutan "Konyaspor"la görüşün heyətində də yer almayıb.

Artıq zədəsini sağaldan təcrübəli oyunçunun aprelin 26-da "Qalatasaray"a qarşı keçiriləcək derbi matçının heyətinə daxil ediləcəyi bildirilir. 

Qeyd edək ki, Marko Asensio cari mövsümdə "Fənərbağça"nın heyətində çıxdığı 37 rəsmi qarşılaşmada 13 qol vurub və 14 məhsuldar ötürmə ilə yadda qalıb.