
“Sabah” Bizon Azərbaycan kubokunun yarımfinal mərhələsinin “Qarabağ”a qarşı ilk oyunu öncəsi məşqlərini sürdürür.
Sport1.az xəbər verir ki, Masazır təmsilçisi aprelin 3-də keçiriləcək qarşılaşmaya itkilərlə çıxacaq.
Baş məşqçi Valdas Dambrauskas bu görüşdə cəzalı İqor Noqeyra və zədə səbəbindən uzun müddətdir komandadan uzaq qalan Pavol Şafrankonun xidmətindən yararlana bilməyəcək.
Bildirilib ki, slovak hücumçu yaxın günlərdə məşqlərə qoşulacaq. Onun ən yaxşı halda may ayında mövsümün son oyunlarında komandasına kömək etməsi gözlənilir.