Musa Qurbanlı öz çıxışından narazıdır - AÇIQLAMA
"FIFA Series - 2026" beynəlxalq turnirində Azərbaycan Sent Lüsiyanı darmadağın etdi - 6:1.
Qarşılaşmadan sonra millimizin üzvü Musa Qurbanlı jurnalistlərin suallarını cavablandırdı.
Sport1.az xəbər verir ki, hücumçu fərdi performansını belə dəyərləndirdi:
“Düzdür, qol vurmağı bacardım, amma düşünürəm ki, daha yaxşı çıxış edə, fərqlənə bilərdim. Əsas məsələ komandaya xeyir verməkdir.”
O, qələbənin əhəmiyyətinə də toxundu:
“Uzun müddət idi ki, qalib gələ bilmirdik. Bu baxımdan nəticə bizim üçün çox önəmli idi və buna görə sevincliyik. Milli komandada çıxış edərkən rəqibin kim olmasından və oyunun hansı status daşımasından asılı olmayaraq, əsas məqsəd hər zaman qalib gəlməkdir.”
Hücumçu böyükhesablı qələbənin komandaya əlavə motivasiya verdiyini bildirdi:
“Sevindirici haldır. Bu uğur qarşıdakı rəsmi oyunlar öncəsi bizə əlavə motivasiya və özünəinam qazandırdı.”
Qurbanlı növbəti oyun barədə fikirlərini bölüşdü:
“Syerra Leone yığması ilə qarşılaşmaya da eyni məqsəd üçün çıxacağıq. Əsas diqqətimizi hazırlıq prosesinə yönəldəcəyik ki, növbəti toplanışa qədər optimal formaya çata bilək. Hücumda nə qədər məhsuldar olsaq, bu, komandamızın xeyrinə olacaq və nəticələrimizə müsbət təsir göstərəcək.
MƏHƏMMƏD HÜSEYNOV
