"Omoniya" "Qarabağ"ın futbolçusu ilə bağlı bəyanat yaydı

“Qarabağ”ın müdafiəçisi Sami Mmaenin Kiprin “Omoniya” klubuna transfer olunacağı ilə bağlı yayılan məlumatlar öz təsdiqini tapmayıb.

Sport1.az xəbər verir ki, adı hallanan Nikosiya klubu məsələ ilə bağlı rəsmi açıqlama verərək bu iddiaları təkzib edib.

Klubdan bildirilib ki, 30 yaşlı müdafiəçi ilə maraq göstərilməsi barədə xəbərlər həqiqəti əks etdirmir və hazırda futbolçu ilə heç bir danışıqlar aparılmır. Ümumilikdə isə “Omoniya”nın hazırda hər hansı oyunçu ilə transfer gündəmi yoxdur.

Xatırladaq ki, Sami Mmae intizam qaydalarını pozduğu üçün “Qarabağ”ın əsas heyətindən kənarlaşdırılıb və hazırda əvəzedici komandada çıxış edir. Mövsüm başa çatdıqdan sonra onun icarə əsasında məxsus olduğu Zaqreb “Dinamo”suna geri dönməsi gözlənilir.