Bu Avropa klubu Azərbaycanda "Sabah"ın çempion olmasını arzulayır
Misli Premyer Liqası polşalıların da diqqət mərkəzindədir.
Sport1.az xəbər verir ki, "Lex" rəsmiləri Azərbaycanda "Sabah"ın çempion olmasını istəyirlər.
Məlumatı “Przeglad Sportowy” nəşri yayıb. UEFA reytinqi üzrə ixtisaslaşmış mütəxəssis Pyort Kilmə məxsus məqaləni diqqətinizə çatdırırıq:
“Lex Poznan” azarkeşləri komandaları bu mövsüm Ekstraklasa çempionu olacağı təqdirdə sevinclərindən göyə uça bilərlər. UEFA klub reytinqi üzrə ixtisaslaşmış ekspertlərin fikrincə, Poznan təmsilçisi son on ildə belə əlverişli püşkatma ilə qarşılaşmayıb. Böyük ehtimalla, “Lex” çempion olarsa, UEFA Çempionlar Liqası təsnifatının ikinci və üçüncü mərhələlərində səpələnmişlər səbətində yer alacaq.
Bütün bunlar digər Avropa liqalarında gözlənilməz nəticələrin formalaşması ilə bağlıdır. Azərbaycanda “Sabah” komandası 25 turdan sonra “Qarabağ”ı 10 xal qabaqlayaraq inamla çempionluğa doğru irəliləyir.
Hamımız xatırlayırıq ki, ağdamlılar Polşa klublarına kifayət qədər problemlər yaşadıb.
“Lex” azarkeşləri hegemonlardan birinin devriləcəyinə ümid edirlər”.
