"Sabah"ın üzvü millidən kənarda qalacaq – İDDİA

“Sabah”ın qapıçısı Stas Pokatilov Qazaxıstan millisinin qarşıdakı oyunları üçün yığmaya çağırılmayacaq.

Sport1.az xəbər verir ki, bu məlumatı “Goal.kz” yayıb. Masazır təmsilçisi hazırda çempionatda liderdir və komanda 23 oyunda cəmi 16 qol buraxıb. Bu göstərici turnirin ən yaxşı nəticələrindən biri hesab olunur.

Portal həmçinin Pokatilovun əvvəllər milli komanda ilə bağlı səsləndirdiyi fikrə diqqət çəkib. Qapıçı həmin müsahibədə belə demişdi: “Mənə bir nömrə verməyəcəklərsə, milliyə çağırmağın mənası yoxdur”.

Nəşr bu sözlərin qapıçının yığmaya dəvət almamasında rol oynaya biləcəyini qeyd edib.