Tanınmış forvard qərar ərəfəsindədir

Darvin Nunyes yenidən İngiltərəyə qayıda bilər.

Sport1.az xəbər verir ki, uruqvaylı hücumçunun adı son günlər “Çelsi” ilə hallanır. İngiltərə mətbuatının yaydığı məlumata görə, hazırda Səudiyyə Ərəbistanının “Əl-Hilal” klubunda çıxış edən 26 yaşlı forvard komandadakı vəziyyətindən narazıdır və London təmsilçisi bundan yararlanmağa çalışır. Keçidin yay “transfer pəncərəsi”ndə baş tutma ehtimalı müzakirə olunur.

Bildirilir ki, Premyer Liqaya qayıtmaq üçün futbolçu maaşında müəyyən endirimə getməli olacaq.

Qeyd edək ki, “Transfermarkt” portalı Nunyesin bazar dəyərini hazırda 35 milyon avro olaraq qiymətləndirir. O, daha əvvəl İngiltərə çempionatında keçirdiyi 95 oyunda 25 qol vurub və 16 məhsuldar ötürmə edib.