Nihat Əhmədzadə "Sumqayıt"da nə baş verdiyini anlamır - MÜSAHİBƏ
Misli Premyer Liqasının 23-cü turu çərçivəsində "Karvan-Yevlax" doğma meydanda "Sumqayıt" ilə heç-heçə etdi - 1:1.
Sport1.az xəbər verir ki, qarşılaşmadan sonra "kimyaçılar"ın üzvü Nihad Əhmədzadə jurnalistlərin suallarını cavablandırdı.
Həmin müsahibəni təqdim edirik...
– Komanda artıq 5 oyundur qələbə qazana bilmir. Bu düşüşün səbəbi nədir?
– Açığı, biz də tam olaraq başa düşə bilmirik nə baş verir. Necə oldu ki, belə bir vəziyyətə gəldik? Anlamıram.
– Birinci dövrədə “Sumqayıt” çox yaxşı performans göstərirdi. Nə dəyişdi ki, komanda bu qədər enişə getdi?
– Rəqiblər getdikcə güclənir. Eyni zamanda öz performansımızda da müəyyən eniş hiss olunur. Düşünürəm ki, əsas səbəblər bunlardır.
– Baş məşqçiniz akademiya yetirmələrinə daha çox şans veriləcəyini deyir. Bunu onlar üçün imkan hesab edirsiniz?
– Bəli, əlbəttə. Bu, bizim üçün yaxşı fürsətdir. Məşqçinin etimadını qazanmaq üçün əlimizdən gələni edəcəyik. Hər oyunda daha yaxşı nəticə göstərməyə çalışırıq.
– Azarkeşlərin etirazları gün keçdikcə daha da sərtləşir. Onlara nə demək istəyirsiniz?
– Azarkeşlərimizi başa düşürük. Biz də qələbə qazanmaq istəyirik. Komanda olaraq əlimizdən gələni edirik. Bəzən istədiyimiz nəticəni əldə edə bilmirik. Artıq 5 oyundur qələbə yoxdur, amma çalışırıq ki, əlimizdən gələni ən yaxşısını edək.
MƏHƏMMƏD HÜSEYNOV
