“Milan” mənə daha çox vaxt verməli idi” – Fonseka

Paulu Fonseka “Milan”dakı dövrü ilə bağlı fikirlərini bölüşüb.

Sport1.az xəbər verir ki, portuqaliyalı mütəxəssis İtaliya klubunda daha çox zamana layiq olduğunu bildirib.

Fonsekanın sözlərinə görə, klub rəhbərliyi ondan komandanın oyun üslubunu daha hücumameyilli formaya salmağı istəyib: “Mən daha çox vaxta layiq idim. “Milan” möhtəşəm klubdur və orada işləməkdən zövq aldım. Uzun illər formalaşmış oyun modelini dəyişmək asan deyil. Bunun üçün vaxt lazımdır, xüsusilə də İtaliyada. Çox yaxşı oyunlar keçirdik və keyfiyyətli futbol nümayiş etdirdik. Sadəcə daha stabil olmalı idik”.

Qeyd edək ki, Fonseka 2024-cü ilin iyunundan dekabrına qədər “Milan”a rəhbərlik edib.