“Bu, məsuliyyət məsələsi deyil” – Saşa İliç

Misli Premyer Liqasının XXI turunun “Sumqayıt” – “Qəbələ” oyunundan (0:0) sonra meydan sahibi komandanın baş məşqçisi Saşa İliç jurnalistlərin suallarını cavablandırdı.

Sport1.az xəbər verir ki, mütəxəssis əvvəlcə görüşlə bağlı fikirlərini bölüşdü...

"Oyunun ilk 20 dəqiqəsində yaxşı oyun göstərdik. Lakin fasiləyə yaxın katastrofik vəziyyət yarandı. İkinci hissədə bir az oyunu düzəltdik, amma qələbə qazana bilmədik".

– Futbolçular sanki şanslara məsuliyyətsiz yanaşırlar… Belə şey var, ya bizə elə gəlir?

– Belə deməzdim. Sadəcə ötürmələrdə, qərarlarda səhvlik olur. Bu, məsuliyyət məsələsi deyil.

– Roy Kehatın durumu necədir?

– Hələ dəqiq nəsə deyə bilmərəm. Birinci gün dəqiq bilinəcək.

– Ardıcıl üç oyundur, qələbə qazana bilmirsiniz. Bu, avrokubok mübarizənizə necə təsir edəcək?

– Qarşıda oyunlar var. Ciddi, çətin matçlar olacaq. Çalışacağıq ki, yaxşı nəticələr əldə edək.