“Sumqayıt”ın futbolçusuna 3 oyunluq cəza

AFFA İntizam Komitəsi “Sumqayıt”ın hücumçusu Aleksandr Ramalinqomun cəzasını açıqlayıb.

Sport1.az xəbər verir ki, forvard 3 oyunluq cəzaya məruz qalıb.

Buna səbəb onun Misli Premyer Liqasında 20-ci turunda “Araz-Naxçıvan”la səfər qarşılaşmasının 74-cü dəqiqəsində təcavüzkar davranışa görə birbaşa qırmızı vərəqə alması olub. “Sumqayıt” buna görə 3000 manat cərimələnib.

Bundan başqa, azarkeşləri tərəfindən rəqib komandanın və hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 2-ci dəfə təkrarlandığına görə, “Sumqayıt” 6000 manat cərimə ilə üzləşib.

Heyətində 6 nəfər sarı vərəqə aldığı üçün isə “Araz-Naxçıvan” 700 manat cərimələnib.