“Kəpəz” və “Neftçi” azarkeşlərə görə ziyana düşdü

AFFA İntizam Komitəsi Misli Premyer Liqasının 20-ci turunun “Kəpəz” – “Neftçi” oyununda baş verən neqativ halları müzakirə edib.

Sport1.az xəbər verir ki, matçın 71-ci dəqiqəsində “Kəpəz”in futbolçusu Məqsəd İsayev ciddi qayda pozuntusuna görə birbaşa qırmızı vərəqə aldığı üçün 2 oyunluq cəzalanıb, gəncəlilər 1000 manat cərimələnib.

Azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə “Kəpəz” daha 8000 manat cərimə edilib.

Həmçinin “Neftçi” azarkeşləri də rəqib komandanın ünvanına kütləvi şəkildə təhqiramiz ifadələr səsləndiriblər və bu hal 4-cü dəfə təkrarlanıb. Bu, bakılıları 8000 manat xərcə salıb.