
Rumıniya millisinin baş məşqçisi Mirça Luçesku xəstəxanadan evə buraxılıb.
Sport1.az xəbər verir ki, fevralın 9-da 80 yaşlı mütəxəssis geniş tibbi müayinədən keçib.
Aparılan analizlərin nəticələri müsbət olub və Luçeskunun xəstəxanadan buraxılmasına icazə verilib.
Bildirilir ki, Mirça Luçesku yaxın günlərdə işinə qayıdacaq və Rumıniya millisinin 2026-cı il dünya çempionatının seçmə mərhələsi çərçivəsində Türkiyə yığmasına qarşı keçiriləcək pley-off oyununun hazırlıqlarını davam etdirəcək. Qarşılaşma 26 mart tarixinə planlaşdırılıb.
Qeyd edək ki, Mirça Luçesku yanvarın sonunda səhhətində yaranan problemlər və ürəklə bağlı narahatlıqlar səbəbindən Rumıniyada təcili şəkildə xəstəxanaya yerləşdirilmişdi.