"Neftçi" Qazaxıstandan gənc istedad tapıb – İDDİA

“Neftçi” qazaxıstanlı gənc futbolçunu heyətinə qata bilər.

Sport1.az xəbər verir ki, bu barədə “goal.kz” saytı məlumat yayıb. Bakı klubu 18 yaşlı yarımmüdafiəçi Ömər Muradovla danışıqlar aparır və tərəflər arasında müzakirələr davam edir.

Razılaşma əldə olunacağı halda, futbolçunun “ağ-qaralar”ın gənclər komandasına cəlb edilməsi planlaşdırılır.

Qeyd edək ki, Almatı şəhərində doğulan Muradov futbol karyerasına “Kayrat-F2”də başlayıb. Daha sonra “Sumqayıt”ın U-17 komandasında çıxış edərək Azərbaycan çempionu olub. Hazırda isə futbolçu “Araz-Naxçıvan”ın U-19 komandasının üzvüdür. “On nömrə” mövqeyində oynayan Muradov Qazaxıstanın gənclər millisinə namizəd hesab olunur.