“Latsio” “Ayaks”ın yarımmüdafiəçisini transfer edir

“Ayaks”ın yarımmüdafiəçisi Kennet Teylor karyerasını İtaliyada davam etdirəcək.

Sport1.az xəbər verir ki, bu barədə insayder Fabritsio Romano məlumat yayıb. 23 yaşlı futbolçu “Latsio”ya transfer olunur.

Keçidin 15 milyon avro + 2 milyon avro bonus qarşılığında baş tutacağı gözlənilir. Niderlandlı yarımmüdafiəçi ilə 2030-cu ilin yayına qədər müqavilə imzalanacaq. Teylor cümə günü Romada tibbi müayinədən keçəcək.

Qeyd edək ki, Kennet Teylor cari mövsümdə “Ayaks”ın heyətində 19 oyunda meydana çıxıb, 2 qol vurub və 4 məhsuldar ötürmə edib. Ümumilikdə isə Amsterdam klubunda 184 matçda 36 qol və 27 assistlə yadda qalıb.