İtaliyalı hücumçu A Seriyasına qayıda bilər

“Roma” və “Atletiko” hücumçu Cakomo Raspadorinin transferi ilə bağlı danışıqlar aparır.

Sport1.az xəbər verir ki, bu barədə insayder Fabritsio Romano məlumat yayıb. Onun sözlərinə görə, Roma klubu 25 yaşlı hücumçunu 1,5 milyon avro qarşılığında icarəyə götürmək istəyir. Müqavilədə 20–23 milyon avro məbləğində satınalma bəndinin yer alması nəzərdə tutulur.

Madrid təmsilçisi bu şərtlərlə razıdır. Hazırda “Roma” futbolçunun nümayəndələri ilə şəxsi müqavilə detalları üzərində işləyir.

Qeyd edək ki, italiyalı hücumçu cari mövsümdə bütün turnirlərdə 15 oyunda meydana çıxıb, 2 qol vurub və 3 məhsuldar ötürmə edib.