Uğurlu skautinq, düzgün zamanlama: “Jil Visente”nin transfer uğuru
Portuqaliyanın “Jil Visente” klubu transfer bazarında möhtəşəm maliyyə uğuruna imza atıb.
Sport1.az xəbər verir ki, Portuqaliya təmsilçisi braziliyalı hücumçu Pablo Felipeni cəmi 6 ay ərzində rekord qazancla satmağı bacarıb. 22 yaşlı forvard 2025-ci ilin iyulunda “Famalikan”dan 250 min avro qarşılığında transfer olunmuşdu. Qısa müddət sonra isə futbolçu 23 milyon avroya İngiltərənin “Vest Hem” klubuna satılıb.
Pablo Felipe Portuqaliya çempionatında keçirdiyi 12 oyunda 9 qol və 1 məhsuldar ötürmə ilə diqqət mərkəzinə düşüb. Bu göstəricilər fonunda onun bazar dəyəri demək olar ki, 100 dəfə artıb.
Xatırladaq ki, 2012-ci ilin iyulunda “Qarabağ” da “Jil Visente”dən Riçard Almeydanı transfer etmişdi. Almeyda Azərbaycanda qısa fasilələrlə ümumilikdə 13 il çıxış edib, Azərbaycan millisinin də formasını geyinərək 31 oyunda 3 qol vurub.
