FIFA-dan BOK-a müraciət

FIFA prezidenti Canni İnfantino UEFA Konqresində çıxışı zamanı Olimpiadada qadın komandalarının sayının artırılmasını təklif etdiklərini açıqlayıb.

Sport1.az xəbər verir ki, Olimpiya Oyunlarında kişilərin futbol turnirində 1980-ci ildən 16, qadınların futbol yarışında isə 2008-ci ildən 12 komanda çıxış edir.

İnfantino qadınların mübarizəsində iştirakçıların sayının 16-ya çatdırılması xahişi ilə Beynəlxalq Olimpiya Komitəsinə müraciət etdiklərini deyib: "Amma bu mümkün deyilsə, hesab edirik ki, dəyişiklik haqqında düşünməliyik: 16 qadın komandası və 12 kişi komandası.

Bu, qadın futboluna güclü dəstək addımı olacaq. Bu müzakirənin necə inkişaf edəcəyini görəcəyik, amma məqsədimiz aydındır: futbolu hər yerdə inkişaf etdirmək”.