“Marsel” Qrizmannı niyə istəməyib?

“Marsel”in idman direktoru Mehdi Benatiya yay “transfer pəncərəsi”ndə klubun fəaliyyəti barədə danışıb.

Sport1.az RMC Sport-a istinadən xəbər verir ki, o, “Atletiko”nun hücumçusu Antuan Qrizmannla bağlı yayılan iddialara da münasibət bildirib.

Benatiya fransalı hücumçu ilə heç bir danışıq aparılmadığını vurğulayıb: “Qrizu? Xeyr. Onun müqaviləni uzadacağını əvvəlcədən bilirdim. Məsələ ya ABŞ-yə yollanmaq, ya da “Atletiko” ilə anlaşmanı yeniləmək arasında idi. Biz isə onun maaşını qarşılaya bilməzdik”.

Qeyd edək ki, Qrizmann 2023-cü ildə “Barselona”dakı dörd illik dönəmdən sonra “Atletiko”ya qayıdıb və klub tarixinin ən yaxşı bombardiridir. O, iyul ayında müqaviləsini 2027-ci ilə qədər uzadıb.