Alleqridən Leao ilə bağlı diqqətçəkən açıqlama
“Milan”ın baş məşqçisi Massimiliano Alleqri komandanın portuqaliyalı hücumçusu Rafael Leaonun son qarşılaşmalarda hücum xəttinin mərkəzində çıxış etməsinə münasibət bildirib.
Sport1.az Sky Sport Italia-ya istinadən xəbər verir ki, mütəxəssis 13-cü turda “Latsio” ilə oyunda Leaonun bu rolda oynadılmasının əvvəlcədən planlaşdırıldığını deyib:
“Leao “Lill”də çıxış etdiyi vaxtlarda da hücumun sivri ucunda oynayırdı. “Latsio” ilə matçda başla vurduğu zərbə çox yaxşı idi. Cinahlardan ötürmələr gəldikdə cərimə meydançasına daha aqressiv daxil olur. Üstəlik, mövqelərini rahat dəyişir və hücum xəttinin bütün zonalarında sərbəst hərəkət edə bilir”.
Qeyd edək ki, Rafael Leao bu mövsüm “Milan”ın heyətində bütün turnirlər üzrə 10 oyunda 6 qol və 1 məhsuldar ötürmə ilə yadda qalıb.
