Flik və Deku “Barselona”nın gələn mövsüm üçün transfer planını hazırladı

“Barselona” 2026-cı ilin yay “transfer pəncərəsi” üçün gücləndirilməsi planlaşdırılan mövqelərin siyahısını formalaşdırıb.

Sport1.az xəbər verir ki, baş məşqçi Hansi Flik, idman direktoru Deku və idman komitəsinin üzvləri komandanın gücləndirilməsinə ehtiyac duyulan üç əsas mövqeni müəyyənləşdiriblər: Solaxay mərkəz müdafiəçisi, vinger və mərkəz hücumçu.

Müdafiəyə transfer mümkündür – hətta qışda

Məlumata görə, maliyyə feyr-pley qaydaları imkan verəcəyi halda mərkəz müdafiəçisi transferi 2026-cı ilin qışında da baş tuta bilər. Klubun izlədiyi namizədlər arasında bunlar var:

Qonsalu İnaşiu (“Sportinq”)

Murilo (“Nottingem Forest”)

Niko Şlotterbek (“Borussiya” Dortmund)

Luis Benedetti (“Palmeyras”)

Mark Gehi (“Kristal Palas”)

Levandovskinin müqaviləsi bitir – yeni hücumçu prioritetdir

Robert Levandovskinin müqaviləsinin başa çatmaq üzrə olması səbəbindən hücum xətti də əsas prioritet sayılır. “Barselona”nın gündəmində olan hücumçular:

Xulian Alvares (“Atletiko”)

Harri Keyn (“Bavariya”)

Erlinq Haaland (“Mançester Siti”)

Cinahların da gücləndirilməsi gözlənilir

Rafinyanın Səudiyyə Ərəbistanına mümkün transferi flanq hücumçusuna ehtiyacı artırır. “Barselona” bu mövqeyə namizədlər kimi aşağıdakı futbolçuları nəzərdən keçirir:

Markus Reşford (“Mançester Yunayted”) – təxmini 30 milyon avro

Rafael Leau (“Milan”)

Qeyd edək ki, hazırda Flikin komandası La Liqada 2-ci, Çempionlar Liqasının Liqa mərhələsində isə 18-ci pillədə qərarlaşıb.