"Zirə"nin futbolçusu "Kəpəz"in üzvü ilə dalaşmasından danışdı – AÇIQLAMA

Misli Premyer Liqasının 13-cü turunda "Zirə" səfərdə "Kəpəz"i 2:0 hesabı ilə məğlub etdi.

Qarşılaşmadan sonra Bakı təmsilçisinin yarımmüdafiəçisi Ayron Qomis görüşlə bağlı fikirlərini Sport1.az-a açıqladı:

"Çox çətin oyun keçdi. Rəqib yaxşı komandadır. Gərgin mübarizədə 3 xal qazandıq. Əsas da bu idi".

Fransalı yarımmüdafiəçi oyunun ardından rəqib futbolçu Olavale Onanunqa ilə yaşadığı insidenti də şərh etdi:

"Mən tərəfdən heç bir problem yox idi. Oyun yekunlaşdıqdan sonra "Kəpəz"in futbolçusu mənə tərəf gəldi. Danışmaq, yoxsa dalaşmaq istədiyini bilmədim. Önəmlisi 3 xal idi. Qazandığımız üçün məmnunuq.

Hakimlərin oyunlarda əvvəlcə güzəşt edib-etmədiyini bilmirəm. Amma mənə neçənci dəfədir ki, ilk qayda pozuntusu edən kimi mənə dərhal sarı vərəqə göstərilir. Bu epizodda "kart" rəqibə göstərildi. Çünki mənə tərəf gələn o idi".

ZƏFƏR HACILI