Madrid nəhəngində narahatedici statistika

“Real Madrid”in vingeri Vinisius Junior son vaxtlar məhsuldarlıq baxımından ən zəif dövrünü yaşayır.

Sport1.az xəbər verir ki, “Opta”nın məlumatına görə, braziliyalı hücumçu bütün turnirlər üzrə son yeddi matçda nə qol vurub, nə də assist edib. Bu, onun son dörd ildəki ən uzun “quraqlıq” seriyasıdır.

Vinisius klub səviyyəsində son dəfə oktyabrın əvvəlində “Vilyarreal”lə görüşdə (2 qol) fərqlənib. Həmin vaxtdan bəri o, milli komandadakı oyunlar da daxil olmaqla, ümumilikdə doqquz matçda meydana çıxıb və heç bir nəticəli ötürmə ilə yadda qalmayıb.

Qeyd edək ki, 24 yaşlı futbolçunun “Real Madrid”lə müqaviləsi 2027-ci ilin yayına qədərdir.

Mətbuatda yer alan xəbərlərə görə, Vinisius Madrid təmsilçisi ilə yeni anlaşma barədə ortaq məxrəcə gələ bilmir.