Alleqri dünya futbolunda ilki bacardı

“Milan”ın baş məşqçisi Massimiliano Alleqri dünya futbolunda unikal göstəriciyə imza atıb.

Sport1.az xəbər verir ki, o, iki müxtəlif klubla bütün turnirlərdə 100 və daha çox qələbə qazanan ilk məşqçi kimi tarixə düşüb. Alleqri “Milan”la 100, “Yuventus”la isə 271 qələbə əldə edərək bu rekordun ilk sahibi olub.

Bir neçə gün əvvəl A Seriyasındakı “Milan” – “İnter” derbisində (1:0) qazanılan qələbə Alleqrinin “rossonyerlər”in başında 100-cü uğuru kimi qeydə alınıb.

Hazırda “Milan” İtaliya çempionatının turnir cədvəlində ikinci pillədə qərarlaşır. Alleqri 2025-ci ildən komandanın sükanı arxasındadır. O, bundan əvvəl də 2010–2014-cü illərdə “Milan”ı, 2014–2024-cü illərdə isə iki mərhələdə “Yuventus”u çalışdırıb.